వర్ధన్నపేట/మే 24(జర్నలిస్ట్ వార్త);
వరంగల్ జిల్లా వర్ధన్నపేట మండలం వెంకట్రావుపల్లె గ్రామానికి చెందిన యూత్ కాంగ్రెస్ నాయకుడు మడత ప్రశాంత్ తల్లి మడత సుభద్ర అనారోగ్యంతో కన్నుమూశారు. ఈ విషయం తెలుసుకున్న వర్ధన్నపేట నియోజకవర్గ ఎమ్మెల్యే కేఆర్ నాగరాజు ఆదివారం వారి నివాసానికి వెళ్లారు. సుభద్ర భౌతికదేహానికి ఆయన పూలమాల వేసి ఘనంగా నివాళులర్పించారు. అనంతరం శోకతప్త హృదయంతో ఉన్న కుటుంబ సభ్యులను పరామర్శించి, వారికి తన ప్రగాఢ సానుభూతిని తెలియజేశారు. ఈ కష్టసమయంలో కుటుంబానికి కాంగ్రెస్ పార్టీ ఎల్లప్పుడూ అండగా ఉంటుందని ఆయన భరోసా ఇచ్చారు. ఎమ్మెల్యే వెంట వర్ధన్నపేట పి ఎస్ సీ ఎస్ చైర్మన్ రాజేష్ ఖన్నా, గ్రామ సర్పంచ్ కుళ్ళ పావని యకాంతం,
పలువురు స్థానిక ప్రజాప్రతినిధులు, కాంగ్రెస్ పార్టీ ముఖ్య నాయకులు, కార్యకర్తలు వెంకట్రావుపల్లె గ్రామస్తులు నాయకులు, స్థానికులు పాల్గొని నివాళులర్పించారు.
