హన్మకొండ/జూలై 19 (జర్నలిస్ట్ వార్త):
హన్మకొండ పట్టణంలోని భద్రకాళి బండ్ వాకర్స్ అసోసియేషన్ అధ్యక్షుడిగా కరిమిల్లా సంపత్ రావు వరుసగా రెండోసారి ఏకగ్రీవంగా ఎన్నికయ్యారు. ఆదివారం ఉత్కంఠభరితంగా జరిగిన ఈ ఎన్నికల్లో అసోసియేషన్ సభ్యులందరూ సంపత్ రావు నాయకత్వానికే మొగ్గు చూపారు. ఈ సందర్భంగా కేంద్ర ఖాదీ, చిన్న పరిశ్రమల శాఖ పూర్వ డైరెక్టర్ ఈగ మల్లేశం నూతన అధ్యక్షుడిని శాలువాతో ఘనంగా సన్మానించి శుభాకాంక్షలు తెలియజేశారు. సంపత్ రావు సారథ్యంలో అసోసియేషన్ మరింత ముందుకు సాగాలని ఆయన ఆకాంక్షించారు.
ఈ కార్యక్రమంలో అసోసియేషన్ గౌరవ అధ్యక్షుడు మారుతి రవి, ఉపాధ్యక్షుడు వేల్పుల రమేష్, సహాయ కార్యదర్శి క్రాంతి తదితరులు పాల్గొని హర్షం వ్యక్తం చేశారు. సంపత్ రావు ఎన్నిక పట్ల వాకర్స్ అసోసియేషన్ సభ్యులు, స్థానికులు పెద్ద ఎత్తున అభినందనలు తెలియజేశారు.
