చివరి శ్వాసలో తండ్రి చెప్పిన అసలైన ఆస్తి..మనకు అండగా నిలిచిన మనిషిని ఎప్పటికీ మరిచిపోవద్దుఆస్తులు, అప్పుల లెక్కలు చెప్పాల్సిన వేళ.. కొడుకులకు జీవిత పాఠం చెప్పిన తండ్రికన్నీళ్లు పెట్టించిన ఆ తండ్రి చివరి మాటలు.. ప్రతి తల్లిదండ్రి ఆలోచించాల్సిన కథ

తండ్రి చివరి శ్వాసలో ఉన్నాడు..

చుట్టూ కుటుంబ సభ్యులు.. కళ్లలో కన్నీళ్లు.. గుండెల్లో ఆందోళన.

ఇక కొన్ని క్షణాల్లో తనను విడిచి వెళ్లబోతున్న తండ్రి కొడుకులకు ఏం చెబుతాడో అందరూ ఎదురుచూస్తున్నారు.

ఆస్తులు ఎక్కడున్నాయి?

అప్పులు ఎవరికి ఉన్నాయి?

ఏ భూమి ఎవరి పేరున ఉంది?

కుటుంబాన్ని ఎలా నడిపించాలి?

ఇలాంటి విషయాలే చెబుతాడని అనుకుంటే. ఆ తండ్రి మాత్రం అందరి అంచనాలను తలకిందులు చేశాడు.

కొడుకులను దగ్గరకు పిలిచాడు.

వారి చేతులు పట్టుకున్నాడు.

చివరి శ్వాసలోనూ తన బాధ గురించి కాకుండా. కొడుకుల భవిష్యత్‌ గురించి ఆలోచించాడు.

నాయనా. జీవితంలో కష్టాలు వస్తాయి. ఆ సమయంలో ఎవరి దగ్గరకు వెళ్లాలో తెలుసుకోవాలి. మన కుటుంబానికి ఆపద వచ్చినప్పుడు స్వార్థం లేకుండా అండగా నిలిచిన ఒక మంచి మనిషి ఉన్నాడు. మన కష్టసుఖాల్లో మన వెంట నడిచాడు. అలాంటి మనిషిని ఎప్పటికీ మరిచిపోవద్దు. మీకు ఎప్పుడైనా అవసరం వస్తే అతని దగ్గరకు వెళ్లండి. మనకు సహాయం చేసిన మనుషులను జీవితంలో ఎన్నటికీ మరచిపోవద్దు అని చెప్పాడు.

అంతే..

ఆ తండ్రి మాటల్లో ఆస్తుల ప్రస్తావన లేదు.

అప్పుల ప్రస్తావన లేదు.

తన కోసం ఏమీ అడగలేదు.

తన తర్వాత కొడుకులు ఎవరిని నమ్మాలి? ఎవరిని ఆశ్రయించాలి? ఎవరిని గౌరవించాలి? అన్నదే ఆయన ఆలోచన.

ఇదే తండ్రి ప్రేమకు అసలైన నిర్వచనం కాదా?

ఆస్తి కంటే విలువైన వారసత్వం.

తల్లిదండ్రులు పిల్లలను కంటారు.

రాత్రింబవళ్లు కష్టపడతారు.

చదివిస్తారు.

ప్రయోజకులను చేస్తారు.

పెళ్లిళ్లు చేసి బాధ్యతలు నెరవేరుస్తారు.

కొడుకులకు కోడళ్లను ఇంటికి తెస్తారు.

కూతుళ్లను అత్తగారింటికి పంపిస్తారు.

తర్వాత కొడుకులకు పుట్టిన పిల్లలు. తమ మనవళ్ల భవిష్యత్‌ గురించి కూడా ఆలోచిస్తారు.

పిల్లలు పెద్దవారైన తర్వాత తల్లిదండ్రులను పట్టించుకున్నా.పట్టించుకోకపోయినా. తల్లిదండ్రుల ప్రేమ మాత్రం తగ్గదు.

ఇదే తల్లిదండ్రుల మనసు.

కానీ నేటి సమాజంలో ఒకసారి మన చుట్టూ చూసుకుంటే.

తల్లిదండ్రుల కంటే ఆస్తులు ముఖ్యమవుతున్నాయా?

బంధాల కంటే భూముల లెక్కలు పెద్దవవుతున్నాయా?

మనిషి విలువ కంటే డబ్బు విలువ పెరిగిందా?

అనే ప్రశ్నలు మనల్ని వెంటాడక మానవు.

తండ్రి చనిపోయాడు. కానీ మాట బతికింది!

కొన్ని రోజుల తర్వాత ఆ తండ్రి కన్నుమూశాడు.

ఇల్లు శోకసంద్రంగా మారింది.

బంధువులు వచ్చారు.

స్నేహితులు వచ్చారు.

కుటుంబాన్ని పరామర్శించారు.

అదే సమయంలో తండ్రి చివరి శ్వాసలో గుర్తు చేసిన ఆ వ్యక్తి కూడా కుటుంబాన్ని పరామర్శించేందుకు వచ్చాడు.

ఆ వ్యక్తిని చూడగానే ఇద్దరు కుమారుల కళ్లలో కన్నీళ్లు ఆగలేదు.

తండ్రి చెప్పిన మాటలు ఒక్కసారిగా గుర్తుకొచ్చాయి.

నాన్న చివరి సమయంలో మీ గురించి చెప్పాడు. మీరు మా కుటుంబానికి కష్టసుఖాల్లో అండగా నిలిచారని చెప్పారు. మిమ్మల్ని ఎప్పటికీ మరిచిపోవద్దని మాకు చెప్పారు.

అంటూ ఆ ఇద్దరు కుమారులు ఆ వ్యక్తిని పట్టుకుని బోరున విలపించారు.

ఆ దృశ్యం చూసిన అక్కడున్నవారి కళ్లు చెమర్చాయి.

చనిపోయిన తండ్రి కనిపించలేదు.కానీ ఆయన మాట మాత్రం అక్కడే బతికింది.

ఇది ఒక్క కుటుంబ కథ కాదు..సమాజానికి ఓ ప్రశ్న

మన పిల్లలకు మనం ఏం నేర్పుతున్నాం?

నా ఆస్తి నీది.. నీ ఆస్తి నాది అని చెబుతున్నామా?

లేక.

నిన్ను కష్టాల్లో ఆదుకున్న మనిషిని ఎప్పటికీ మరిచిపోవద్దు అని చెబుతున్నామా?

పిల్లలకు డబ్బు సంపాదించడం నేర్పుతున్నాం. కృతజ్ఞత చూపడం నేర్పుతున్నామా?

పోటీ ప్రపంచంలో ముందుకు వెళ్లడం నేర్పుతున్నాం. మనతో పాటు నడిచినవారిని గుర్తు పెట్టుకోవడం నేర్పుతున్నామా?

ఎవరినైనా ఉపయోగించుకోవడం నేర్చుకుంటున్నాం. మనకు సహాయం చేసినవారికి తిరిగి అండగా నిలవడం నేర్పుతున్నామా?

ఈ ప్రశ్నలకు ప్రతి తల్లిదండ్రి తన మనసులో సమాధానం చెప్పుకోవాల్సిన సమయం ఇది.

పిల్లలకు ఆస్తులు ఇవ్వడం కాదు. మనుషులను ఇచ్చి వెళ్లాలి!

తల్లిదండ్రులు పిల్లలకు కోట్ల రూపాయల ఆస్తులు ఇచ్చినా.ఆస్తులు ఒకరోజు చేతులు మారవచ్చు.

భూములు అమ్ముడుపోవచ్చు.

డబ్బు ఖర్చైపోవచ్చు.

ఇళ్లు కూలిపోవచ్చు.

మనకు కష్టంలో అండగా నిలిచిన మనిషిని మరిచిపోవద్దు అనే ఒక్క మాట పిల్లల గుండెల్లో నాటితే.అది జీవితాంతం వారికి దిక్సూచి అవుతుంది.

అలాంటి తండ్రి ఇచ్చిన వారసత్వం భూమి కాదు.

బంగారం కాదు.

డబ్బు కాదు.

కృతజ్ఞత.

మనిషిని మనిషిగా గౌరవించే విలువ.

ఆపదలో తోడుగా నిలిచిన వారిని గుర్తించే సంస్కారం.

చివరి ప్రశ్న.. మనం పిల్లలకు ఏ వారసత్వం ఇస్తున్నాం?

ప్రతి తండ్రి, ప్రతి తల్లి ఒక్కసారి ఆలోచించాలి.

మన పిల్లలు మన తర్వాత మన ఆస్తులను కాపాడుకుంటే సరిపోతుందా?

లేక..

మనకు అండగా నిలిచిన మనుషులను, మన కుటుంబానికి చేసిన మంచిని, మన జీవితంలో నిలిచిన బంధాలను కూడా కాపాడుకుంటేనే మన పెంపకం సార్థకమా?

చివరి శ్వాసలో కూడా కొడుకుల భవిష్యత్‌ గురించే ఆలోచించిన ఆ తండ్రి.తన కుటుంబానికే కాదు, సమాజానికే ఒక గొప్ప సందేశం ఇచ్చి వెళ్లాడు.

ఆస్తులు పంచడం పెద్ద విషయం కాదు..

మనిషిని గుర్తించే మనసును పంచడం గొప్ప విషయం.

అదే తండ్రి ప్రేమ.

అదే నిజమైన వారసత్వం.

అదే జీవితాంతం నిలిచిపోయే సంపద.

జర్నలిస్ట్ వార్త న్యూస్ పేపర్ సీఈవో ఎడిటర్ సీనియర్ జర్నలిస్ట్ బిర్రు కరుణాకర్